«Калі выступы не адменяць, мы прыйдзем на іх і будзем свістаць, грукаць рондлямі», – напісалі ініцыятары пратэсту ў Facebook’у.
Прычынай для хэйту стала выкананне ансамблем песні «Ветлівыя людзі», прысвечанай расейскім вайскоўцам, якія ўдзельнічалі ў акупацыі Крыму. Раней калектыў выступаў пад партрэтам Сталіна на канцэрце ў Маскве.
Актывістаў падтрымала дэпутатка польскага Сейму Малгажата Гасеўская.
«Я вельмі высока цаню дэмакратыю, мір і і права народаў самастойна выбіраць шлях свайго развіцця. Я не магу пагадзіцца з выступам хору, які ўслаўляе краіну і войска агрэсара».
За некалькі дзён да інтэрнэт-пратэсту далучыліся больш за тысячу чалавек.
