«Ёсць такое месца, дзе рынкавая эканоміка не знікала ні на адзін дзень нават за першымі і другімі саветамі. Гэта – хатняя гаспадарка», – гаворыць эксперт праграмы «Асабісты капітал» эканаміст Міхал Залескі.
Зусім нядаўна ўрад апублікаваў справаздачу, што сярэдні заробак у Беларусі дасягнуў $ 500. Але цяпер – большая палова наёмных работнікаў атрымлівае эквівалент меней за $ 400 на месяц. І нават у пераліку на беларускія рублі намінальныя прыбыткі сем’яў хоць і выраслі на 15% – рэальныя ж упалі на 5%.
Беларускія сем’і, як сапраўды рынкавыя суб’екты – рэагуюць рацыянальна і па-рынкаваму. «Асабісты капітал» распавядае, як беларускія сем’і зводзяць прыбыткі ды выдаткі.
