Сваю някруглую дату ён сустрэне на хакейнай арэне ў Сочы. І, пакуль прэзідэнт Расеи рыхтуецца да матчу, віншаванні з 63-ім днём народзінаў ляцяць да яго з усіх кутоў свету.

Усурыйскі тыгр, эратычны каляндар са студэнткамі журфаку МГУ, вада з возера ў Антарктыдзе – усе гэтыя падарункі даўно ў мінулым. Цяпер у «фанатаў Пуціна» у пашане хвалебныя прамовы і неспадзяванкі DIY (зрабі гэта сам – заўвага belsat.eu).

Вядомы сваёй любоўю да кіраўніка Крамля расейскі рэп-выканаўца Цімаці, напрыклад, прысвяціў яму песню і кліп пад назвай «Лепшы сябра».

Яшчэ адну песню-віншаванне зваялі ўдзельніцы конкурсу «Іванаўская прыгажуня 2015».

«Пусть всегда хватает сил оставаться лучшим в мире!» – галоўны рэфрэн кампазіцыі.

У Instagram Пуціна таксама павіншавалі ўпаўнаважаны пры прэзідэнце Расеі па правах дзіцяці Павел Астахаў і кіраўнік Чачэніі Рамзан Кадыраў.

Не застаюцца ў баку і інтэрнаўты, якія назвалі 7 кастрычніка Міжнародным днём Уладзіміра Уладзіміравіча, і таксама дзеляцца з публічнасцю сваёй творчасцю.

ДР, belsat.eu