Два выбухі прагрымелі на дарожнай развязцы ў цэнтральнай частцы сталіцы Турцыі Анкары, непадалёк ад чыгуначнага вакзалу.
Па папярэдніх дадзеных, у выніку выбухаў загінулі найменш 20 чалавек, яшчэ каля 100 атрымалі раненні.
Хутчэй за ўсё, колькасць загінулых будзе расці, падае Бі-Бі-Сі.
На фотаздымках, якія з’яўляюцца ў сацыяльных сетках, бачныя клубы дыму і целы загінулых, якія ляжаць на зямлі.
Katil devlet yine saldırdı.
#Ankara Barış Mitingi için Gar'da toplanan kitlenin yakınındaki 2 tane bomba patladı! pic.twitter.com/nY2q90PqbY
— Narodnik (@FraksiyonEditor) 10 октября 2015#UPDATE At least 30 killed in blasts near railway station in #Ankara, Turkey, local media reports pic.twitter.com/kJXprVRMDi
— CCTVNEWS (@cctvnews) 10 октября 2015Дзяржаўнае турэцкае агенцтва «Анадолу» паведамляе, што прынамсі адна з бомбаў была прыведзеная ў дзеянне смяротнікам.
Улады краіны ўжо назвалі здарэнне тэрактам.
Як паведамляюць турэцкія медыі, выбухі прагрымелі перад пачаткам маршу «За мір і дэмакратыю», які павінен быў пачацца апоўдні па мясцовым часе пад лозунгамі з заклікам спыніць гвалт у дачыненні да сепаратыстаў з Працоўнай партыі Курдыстану.
Сярод арганізатараў антываеннага шэсця была і пракурдская партыя «HDP», на адным з мітынгаў якой у чэрвені, у горадзе Дыярбакір, таксама прагрымеў выбух.
Лідар «HDP» ужо адмяніў усе запланаваныя перадвыбарчыя мітынгі і абвінаваціў у падрыхтоўцы выбухаў у Анкары турэцкія ўлады.
МЯ, паводле bbc.com
