І яшчэ раз пра гонар усіх беларусаў і усёй нашае краіны. Пра Нобэля для беларускай пісьменніцы напісалі дзясяткі тысяч навінаў, допісаў і артыкулаў на самых розных мовах. Расейскія пісьменнікі цешыліся з узнагароды, бо кнігі – па-расейску. А Пятро Парашэнка і ўвогуле назваў Алексіевіч украінкаю – па маці. Віншаванні беларусцы ідуць з усяго свету, а вось кіраўнік Беларусі прывітаў набэлянтку адным з апошніх.