Выбары ў Беларусі 2015

Кандыдат-дармаед, кандыдат-жанчына: хто і з чым ідзе на выбары?

video

Вынікі сёлетніх выбраў і так відавочныя, заявіла на апошнім паседжанні Цэнтрвыбаркама Лідзія Ярмошына. Зрэшты, пакуль афіцыйна не вызначаная і дата выбараў, хоць верагоднай называецца 15 лістапада. Пазмагацца за пасаду прэзідэнта заявілі пакуль шэсць асобаў, сярод якіх і малавядомыя людзі.

СВЯТЛАНА КАЛІНКІНА, ШЭФ-РЭДАКТАРКА «НАРОДНАЙ ВОЛІ»:

«Апазіцыя наша абрала такі сцэнар – на выбары няхай ідуць малавядомыя людзі, для іх гэта будзе ракрутка. І як кажуць з дрэннай кампаніі хоць нейкі вынік. Але ў свеце няма прыкладаў, каб была паспяховая такая тактыка».

Без спадзяванняў на перамогу – але з жаданнем аб’яднаць вакол сябе людзей. З такім пасылам вылучаецца прадстаўніца кампаніі «Гавары праўду!» Таццяна Караткевіч.

ТАЦЦЯНА КАРАТКЕВІЧ, ПАТЭНЦЫЙНЫ КАНДЫТАТ НА ПРЭЗІДЭНЦТВА:

«120 тысячаў асобаў падпісаліся і даверыліся ідэі народнага рэферэндуму. Болей за сорак адсоткаў выбарцаў лічаць, што парламент павінен быў прызначыць галасаванне па вострых пытаннях. І я лічу, што гэтыя людзі маюць права, каб мець свайго кандыдата».

Фармаваць сваю ініцыятыўную групу распачаў кандыдат-самавылучэнец Юрый Шульган. Сёння падчас прэсавай канферэнцыі ён агучыў матывы ўдзелу ў выбарчай кампаніі.

ЮРЫЙ ШУЛЬГАН, ПРЭТЭНДЭНТ У КАНДЫДАТЫ:

«Гэта зоў душы і адказнасць перад краінаю. Я павінен дапамагчы гэтай краіне. Я неяк спаў у пад’ездзе і да мяне прыйшоў дух Зянона Пазняка». Ён мне кажа: «Юры, тое, што не змог зрабіць я, павінен зрабіць ты».

Беспрацоўны, без сталага месца жыхарства, Юрый Шульган з’яўляецца па-сутнасці дармаедам. 38 -гадовы ўраджэнец берасцейшчыны не мае нават пашпарту. Але нягледзячы на гэта партыя Зялёныя»«, якая падтрымала вылучэнца, заклікалі астатніх кандыдатаў ад апазіцыі зняцца на карысць Шульгана і зрабіць яго адзіным.

ПАЎЛЮК КАНАВАЛЬЧЫК, КІРАЎНІК ПЕРАДВЫБАРЧАГА ШТАБУ ШУЛЬГАНА:

«Апазіцыя не здолела высунуць, не здолела дамовіцца пра кандыдата. То мы бярэм на сябе такую ўзурпатарскую ролю і вылучаем Юрыя Шульгу. І гэта кандыдатура альтэрнатыўная апазіцыі».

У штабе Шульгана заяўляюць, што калі не падтрымаць гэтую асобу, то выбары будуць проста сумнымі.
Але самі выбаршчыкі кажуць, у першую чаргу маюць падтрымаюць не асобу, а праграму, з якой кандыдат стане вылучацца.

«Да асобы кандыдата ў нас увесь час шмат увагі, але праграма павінна быць перадусім».
«І ні то і ні другое, для мяне асабіста гэта проста фармальнасць».
«Выбарчая праграма, кандыдат як асоба… я не ведаю, хіба важней праграма кандыдатаў».
«Мы з кандыдатамі не маем зносінаў, не камунікуем, таму ўсе ўражанні пра іх толькі з праграмы».

Зрэшты найбольш выгадна для ўладаў, адзначаюць эксперты – абмеркаванне як раз найменш важных пытанняў, менавіта таму і прагучаў заклік Аляксандра Лукашэнкі не верыць балбатунам, падчас наведвання МТЗ.

СВЯТЛАНА КАЛІНКІНА, ШЭФ-РЭДАКТАРКА «НАРОДНАЙ ВОЛІ»:

«Ці можа жанчына быць прэзідэнтам, ці можа святар быць прэзідэнтам, ці можа стаць прэзідэнтам асоба, якая не пісьменная – гэта ўсё другаснае. Я перакананая, што насамрэч на сурёзныя тэмы дыскусіі падчас выбараў падымацца не будуць».

Выбары будуць адбывацца на фоне эканамічнага крызісу і падзення рэйтынгу Аляксандра Лукашэнкі, але ці скарыстаецца гэтым апазіцыя?

Сяргей Скулавец, belsat.eu

ГЛЯДЗЕЦЬ ТАКСАМА
КАМЕНТАРЫ