Этап збірання подпісаў за вылучэнне кандыдатаў на прэзідэнцтва скончыўся гарачымі спрэчкамі. Дэмакратычныя сілы ставяць пад сумнеў магчымасці кампаніі «Гавары праўду!» сабраць 100 тысяч подпісаў. Абвінавачванні падмацоўваюцца заявамі Анатоля Лябедзькі ды Сяргея Калякіна пра тое, што іхныя штабы не здолелі пераадолець неабходнай мяжы для рэгістрацыі. Таму паплечнікі з кааліцыі «Народны рэферэндум» выступілі з ініцыятываю грамадскага правярання […]
У першай гарадзенскай паліклініцы подпісы за вылучэнне дзейнага лідара Беларусі ў кандыдаты на прэзідэнцтва збіраюць наўпрост у кабінеце тэрапеўта, нягледзячы на тое, што Аляксандр Лукашэнка нібыта ўжо мае патрэбную колькасць подпісаў.
«Куды працаўладкаваць Лукашэнку» – гэтак называўся пікет у Менску ад ініцыятыўнай групы лідара АГП Анатоля Лябедзькі. Не ўсе з мінакоў падтрымалі акцыю, бо актывісты не размаўлялі па-беларуску.
Камера «Белсату» была ўсталяваная насупраць пікету са зборшчыкамі подпісаў за Аляксандра Лукашэнку. Прыхільнікі дзейнага прэзідэнта выразна сумавалі: да іх рэдка падыходзілі, а ўласна чальцы ініцыятыўнай групы не надта імкнуліся заахвоціць выбарнікаў.
