Як сам дэкан не цураецца ўпрошваць студэнтаў галасаваць датэрмінова – гэтую гісторыю журналісту Belsat.eu распавёў студэнт Беларускага нацыянальнага тэхнічнага ўніверсітэту, які пажадаў застацца невядомым.
У Беларусі трывае датэрміновае галасаванне. Хоць надвор’е зусім не летняе, на некаторых выбарчых участках можна пабачыць моладзь у шортах, лёгкіх халатах ды сланцах на голую нагу – гэтак галасуюць студэнты, не выходзячы са сваіх інтэрнатаў.