Выбары ў Беларусі 2015

Што рабіць у дзень галасавання? «Мы дамо прэс-канферэнцыю ў панядзелак, 12-га кастрычніка» – такі адказ атрымалі сотні людзей ад лідараў апазіцыі. Пытанне пра Плошчу вітала ў паветры падчас усяго сённяшняга шэсця, але палітыкі гэтую тэму абмінулі наагул.

«Вярнуць уладу народу!», «Не фальшывым выбарам!» – пад такімі лозунгамі ў цэнтры Менску прайшлі мітынг і марш той часткі апазіцыі, якая заклікае ігнараваць выбары.

А 17-й у Менску пачалася пратэставая акцыя. Прыхільнікі ігнаравання выбараў прайшліся пад нацыянальнымі сцягамі ад плошчы Свабоды да плошчы Якуба Коласа.